وزیر خارجہ اسحاق ڈار اور مصر کے وزیر خارجہ ڈاکٹر بدر عبدالعاطی کے درمیان ملاقات ہوئی ہے جس میں دو طرفہ تعلقات اور باہمی تعاون کے فروغ پر تبادلہ خیال کیا گیا۔
ترجمان دفتر خارجہ کے مطابق ملاقات کے دوران پاکستان اور مصر کے تعلقات کو مزید مضبوط بنانے کے مختلف پہلوؤں پر بات چیت ہوئی۔ دونوں رہنماؤں نے اقتصادی تعاون بڑھانے اور باہمی دلچسپی کے علاقائی و عالمی امور پر قریبی رابطہ اور ہم آہنگی جاری رکھنے کے عزم کا اظہار کیا۔
دفتر خارجہ کے مطابق ملاقات میں دونوں ممالک نے اس بات پر اتفاق کیا کہ مختلف شعبوں میں تعاون کے نئے مواقع تلاش کیے جائیں گے تاکہ دوطرفہ تعلقات کو مزید وسعت دی جا سکے۔
