ایک بین الاقوامی تحقیق میں انکشاف ہوا ہے کہ ہر نئی نسل کے نوجوانوں میں ذہنی صحت کی حالت خراب ہو رہی ہے، اور اس کے پیچھے چار اہم عوامل کارفرما ہیں۔
رپورٹ کے مطابق دنیا بھر کے تقریباً آدھے نوجوان ذہنی مسائل کا شکار ہیں۔ کم عمری میں اسمارٹ فون کا زیادہ استعمال، الٹرا پروسیسڈ خوراک اور کمزور سماجی تعلقات اس صورتحال کے بڑے اسباب ہیں۔ دلچسپ بات یہ ہے کہ امیر ممالک میں نوجوانوں کی ذہنی صحت زیادہ متاثر ہو رہی ہے۔
تحقیق سے یہ بھی معلوم ہوا کہ خواتین اکثر رات کے وقت بستر پر سونے سے قبل اسمارٹ فون استعمال کرتی ہیں، جبکہ 35 سال سے کم عمر افراد میں تقریباً نصف افراد ذہنی دباؤ اور دیگر مسائل کا شکار ہیں۔
تحقیق میں استعمال کیے گئے پیمانے کے ذریعے یہ جانچا گیا کہ نوجوان اپنی ذہنی دباؤ سے نمٹنے، جذبات پر قابو پانے اور روزمرہ زندگی میں مؤثر انداز میں کام کرنے کی صلاحیت میں کس حد تک کمزور ہیں۔ اس کے نتائج نے واضح کیا کہ کم عمری میں اسمارٹ فون کا استعمال، غیر صحت بخش خوراک اور کمزور سماجی تعلقات نوجوانوں کی ذہنی صحت پر سب سے زیادہ اثر انداز ہو رہے ہیں۔
