صدرِ مملکت آصف علی زرداری نے یومِ پاکستان کے موقع پر پریڈ اور تمام متعلقہ تقریبات نہ منعقد کرنے کی سمری کی منظوری دے دی۔
ایوانِ صدر کے مطابق یہ فیصلہ خلیجی تیل کے بحران اور حکومتی کفایت شعاری کے اقدامات کے پیش نظر کیا گیا ہے۔ صدرِ مملکت نے وزیرِ اعظم شہباز شریف کی ایڈوائس پر یہ اقدام اٹھایا۔
صدرِ مملکت آصف علی زرداری نے کہا کہ قومی وسائل کا محتاط اور ذمہ دارانہ استعمال ہر شہری کی ذمے داری ہے۔
تفصیلات کے مطابق یومِ پاکستان کے موقع پر اعزازات کی تقریب اب 28 اپریل 2026ء کو منعقد ہوگی۔
