شرارت کی سیاست نہیں کریں گے، نہال ہاشمی

نو منتخب گورنر سندھ نہال ہاشمی نے حلف برداری کے بعد مزار قائد پر حاضری دی اور کہا ہے کہ وہ شرارت کی سیاست نہیں کریں گے بلکہ سندھ کی ترقی اور خوشحالی کے لیے کام کریں گے۔نہال ہاشمی نے میڈیا سے گفتگو میں کہا کہ وفاقی ادارے فعال ہو کر سندھ کی ترقی میں حصہ ڈالیں گے اور تمام سیاسی امور مل بیٹھ کر حل کیے جائیں گے۔ انہوں نے قائداعظم محمد علی جناح کو خراج عقیدت پیش کیا اور نواز شریف اور ذوالفقار علی بھٹو کی دور اندیشی کی وجہ سے عوام آج سر اٹھا کر چل سکتے ہیں۔ انہوں نے نواز شریف کے کردار کو سراہتے ہوئے کہا کہ ن لیگی سربراہ نے ادنیٰ کارکن کو یہ مقام دیا ہے۔گورنر سندھ نے مزید کہا کہ دنیا میں دو لوگ مقبول ہیں، ایک وزیراعظم اور دوسرا سپہ سالار، اور یوتھ پروگرام کے تحت لیپ ٹاپ اسکیم کے دائرہ کار کو مزید وسیع کیا جائے گا۔ انہوں نے بتایا کہ کامران ٹیسوری سے فون پر بات بھی ہوئی تھی اور ان کے آنے سے پہلے گورنر ہاؤس میں تمام پروگرام مکمل کیے جا چکے تھے۔