ساجد حسن کو لائیو شو میں بیوی کا مذاق اڑانا مہنگا پڑگیا

پاکستانی شوبز انڈسٹری کے سینئر اداکار ساجد حسن سوشل میڈیا پر شدید تنقید کا سامنا کر رہے ہیں، جس کی وجہ حال ہی میں ایک لائیو رمضان شو میں اپنی بیوی کا مذاق اڑانا ہے۔ساجد حسن نے نجی ٹی وی کی رمضان ٹرانسمیشن میں اپنی اہلیہ شکیلا کے ہمراہ مہمان کے طور پر شرکت کی۔ شو کے کچن سیگمنٹ کے دوران اداکار نے اپنی اہلیہ کی تقلید کرتے ہوئے اور ان کا مذاق اڑاتے ہوئے متعدد بار نامناسب رویہ دکھایا۔ان کی اہلیہ نے اس موقع پر کہا کہ یہ حرکتیں محض "مصنوعی ذہانت” کے موضوع پر مبنی تھیں، لیکن ویڈیو سوشل میڈیا پر تیزی سے وائرل ہو گئی، جس کے بعد صارفین نے اداکار پر شدید تنقید کی۔کچھ صارفین نے کہا کہ ساجد حسن کا یہ رویہ مناسب نہیں اور اس طرح کے مزاح کی وجہ سے وہ عوام میں کامیاب نہیں ہو پاتے۔ دیگر صارفین نے ٹی وی چینلز پر بھی تنقید کی کہ وہ ایسے افراد کو پروگرامز میں مدعو کر رہے ہیں، باوجود اس کے کہ ان کے ذاتی یا خاندانی مسائل معروف ہیں۔