امریکی سینیٹرز الزبتھ وارن اور کرس مرفی نے ایران کے خلاف امریکا اور اسرائیل کی جنگ پر صدر ڈونلڈ ٹرمپ کو شدید تنقید کا نشانہ بنایا ہے۔
سینیٹر الزبتھ وارن نے سماجی رابطے کی ویب سائٹ ایکس پر اپنے بیان میں کہا ہے کہ جنگ کے دوران کم از کم 23 امریکی فوجی ہلاک ہو چکے ہیں، جبکہ ٹیکس دہندگان کے 45 ارب ڈالرز سے زائد خرچ کیے جا چکے ہیں۔
امریکی سینیٹر کا کہنا ہے کہ تنازع کو تقریباً 8 ماہ ہونے والے ہیں، تاہم کوئی یہ وضاحت نہیں کر پا رہا کہ اس جنگ سے کیا حاصل ہوا ہے اور یہ کب ختم ہو گی؟
دوسری جانب سینیٹر کرس مرفی نے امریکی انتظامیہ کی حکمتِ عملی پر تنقید کرتے ہوئے کہا ہے کہ صدر ٹرمپ نے ایران کے ساتھ جنگ شروع کی، لیکن امریکی فوجیوں، سفارت کاروں اور اربوں ڈالرز مالیت کے فوجی اڈوں کے تحفظ کے لیے کوئی قابلِ عمل منصوبہ موجود نہیں تھا۔
کرس مرفی نے اسے انتظامیہ کی مکمل نااہلی قرار دیتے ہوئے کہا ہے کہ اس صورتِ حال پر ہر امریکی شہری کو شدید غصہ ہونا چاہیے۔
