وائٹ ہاؤس میں امریکی صدر ڈونلڈ ٹرمپ کے ساتھ ایک تقریب میں شرکت کے بعد معروف کاروباری شخصیت اور مخیر خاتون سوزن ڈیل سوشل میڈیا پر توجہ کا مرکز بن گئیں۔
سوزن ڈیل 7 اکتوبر کو وائٹ ہاؤس کے اوول آفس میں اپنے شوہر اور ڈیل ٹیکنالوجیز کے چیف ایگزیکٹو مائیکل ڈیل کے ہمراہ موجود تھیں، تقریب کا مقصد بچوں کے لیے سرمایہ کاری کھاتوں پر مشتمل امریکی حکومت کے پروگرام ’ٹرمپ اکاؤنٹس‘ کو اجاگر کرنا تھا۔
اس پروگرام کے تحت 2025ء سے 2028ء کے دوران پیدا ہونے والے اہل بچوں کے سرمایہ کاری کھاتوں میں حکومت کی جانب سے 1 ہزار ڈالرز کی ابتدائی رقم جمع کرائی جا سکتی ہے، مائیکل ڈیل اور سوزن ڈیل نے اس اقدام کی معاونت کے لیے اربوں ڈالرز فراہم کرنے کا عہد کیا ہے۔
