قازقستان میں آستانہ اے آئی فلم فیسٹیول (AAIFF 2026) کا انعقاد کیا گیا، جسے مصنوعی ذہانت (اے آئی) کی مدد سے تیار کی جانے والی فلموں کا دنیا کا سب سے بڑا بین الاقوامی مقابلہ قرار دیا گیا ہے۔
قازق خبر رساں ادارے کے مطابق پیر کو جاری کی گئی رپورٹ میں بتایا گیا ہے کہ فیسٹیول کے لیے 125 ممالک سے مجموعی طور پر 8,067 فلمیں جمع کرائی گئیں۔
جمع کرائی گئی فلموں کی تعداد کے لحاظ سے قازقستان 829 فلموں کے ساتھ دوسرے نمبر پر رہا، جبکہ امریکا 1,395 فلموں کے ساتھ سرِفہرست رہا۔
اس کے علاوہ بھارت سے 702، چین سے 550 اور جنوبی کوریا سے 349 فلمیں جمع کرائی گئیں۔
