ہالی ووڈ کے معروف اداکار جانی ڈیپ نے فرانس میں عام تعطیلات گزارنے کے لیے کوئی خوبصورت گھر خریدنے کے بجائے ایک پورا گاؤں خرید کر اسے جنت نظیر وادی میں تبدیل کر دیا۔
بین الاقوامی میڈیا کی رپورٹ کے مطابق جانی ڈیپ کے اس خوبصورت گاؤں میں خوبصورت رہائشی مکانات، مہمانوں کے لیے کاٹیجز، کیفے، سوئمنگ پول، باغات حتیٰ کہ اسکیٹ پارک بھی موجود ہے۔
اداکار نے 2001ء میں جنوبی فرانس کے مشہور سیاحتی مقام سینٹ ٹروپے کے قریب 19 ویں صدی کا ایک ویران گاؤں خریدا تھا۔
جانی ڈیپ نے اس جائیداد کی خریداری پر تقریباً 5 کروڑ 50 لاکھ ڈالرز اور خریدنے کے بعد اس کی تزئین و بحالی پر تقریباً 1 کروڑ ڈالرز کی رقم خرچ کی۔
اداکار نے تاریخی عمارتوں کی اصل دلکشی برقرار رکھتے ہوئے گاؤں کو اپنی پسند کے مطابق ڈھالا۔
