غذائیت اور طبی ماہرین کے مطابق سفید یا ریفائنڈ چینی جسم کے لیے خالی کیلوریز اور بیماریوں کا سبب بنتی ہے، جبکہ انسان کو توانائی کے لیے جس شے کی ضرورت ہوتی ہے وہ گلوکوز ہے جو قدرتی غذاؤں میں پائی جاتی ہے۔
گلوکوز وہ بنیادی ایندھن ہے جو ہمارے دماغ، خلیات اور عضلات کو فعال رکھتا ہے اور یہ پھلوں، سبزیوں اور اناج سے قدرتی طور پر حاصل ہوتا ہے۔
بازار میں ملنے والی سفید چینی جسم میں شوگر لیول کو اچانک بڑھا دیتی ہے، جس سے موٹاپا، ذیابیطس اور دل کے امراض کا خطرہ پیدا ہوتا ہے۔
چینی کے 4 بہترین اور قدرتی متبادل میں سے ایک شہد ہے جو قدرتی اینٹی آکسیڈنٹس اور سوجن کم کرنے والی خصوصیات سے بھرپور متبادل ہے۔
اسی طرح اس میں گڑ بھی شامل ہے جو آئرن اور معدنیات سے مالا مال جو ہاضمے کے نظام کو بھی تقویت دیتا ہے۔
اس میں تیسری کھجور فائبر اور توانائی کا بہترین ذریعہ جو شوگر کی سطح کو اچانک بڑھنے نہیں دیتی جبکہ چوتھی اسٹیویا ہے پودے سے حاصل شدہ ایک قدرتی متبادل جو زیرو کیلوریز کے ساتھ بہترین مٹھاس دیتا ہے۔
